Rheoliadau Cartrefi Gofal (Cymru) 2002
| Jurisdiction | UK Non-devolved |
| Citation | WSI 2002/324 (Cymru) |
| Year | 2002 |
2002Rhif 324 (Cy.37)
GOFAL CYMDEITHASOL, CYMRU
PLANT A PHERSONAU IFANC, CYMRU
Rheoliadau Cartrefi Gofal (Cymru) 2002
12 Chwefror 2002
1 Ebrill 2002
TREFN Y RHEOLIADAU
RHAN I -
CYFFREDINOL
1. |
Enwi, cychwyn a chymhwyso |
2. |
Dehongli |
3. |
Sefydliadau sydd wedi'u heithrio |
4. |
Datganiad o ddiben |
5. |
Arweiniad defnyddiwr gwasanaeth |
6. |
Adolygu'r datganiad o ddiben a'r arweiniad defnyddiwr gwasanaeth |
RHAN II -
PERSONAU COFRESTREDIG
7. |
Ffitrwydd y darparydd cofrestredig |
8. |
Penodi rheolwr |
9. |
Ffitrwydd y rheolwr cofrestredig |
10. |
Y person cofrestredig - gofynion cyffredinol |
11. |
Hysbysu tramgwyddau |
RHAN III -
RHEDEG CARTREFI
12. |
Iechyd a lles defnyddwyr gwasanaeth |
13. |
Gofynion pellach ynghylch iechyd a lles |
14. |
Asesu defnyddwyr gwasanaeth |
15. |
Cynllun defnyddiwr gwasanaeth |
16. |
Cyfleusterau a gwasanaethau |
17. |
Cofnodion |
18. |
Staffio |
19. |
Ffitrwydd y gweithwyr |
20. |
Cyfyngiadau ar weithredu ar ran defnyddiwr gwasanaeth |
21. |
Barn y staff ynghylch rhedeg y cartref gofal |
22. |
Gweithdrefn disgyblu'r staff |
23. |
Cwynion |
RHAN IV -
SAFLEOEDD
24. |
Ffitrwydd safleoedd |
RHAN V -
RHEOLI
25. |
Adolygu ansawdd y gofal |
26. |
Y sefyllfa ariannol |
27. |
Ymweliadau gan y darparydd cofrestredig |
RHAN VI -
PLANT
28. |
Cymhwyso'r Rhan hon |
29. |
Dehongli |
30. |
Datganiad o ddiben |
31. |
Y person cofrestredig |
32. |
Darpariaeth ar wahân ar gyfer plant |
33. |
Lles a diogelwch plant |
34. |
Ffitrwydd y gweithwyr |
35. |
Gweithdrefn disgyblu'r staff |
36. |
Adolygu ansawdd y gofal |
37. |
Tramgwyddau |
RHAN VII -
AMRYWIOL
38. |
Hysbysu marwolaeth, salwch a digwyddiadau eraill |
39. |
Hysbysu absenoldeb |
40. |
Hysbysu newidiadau |
41. |
Hysbysu terfynu llety |
42. |
Penodi datodwyr etc. |
43. |
Marwolaeth person cofrestredig |
44. |
Tramgwyddau |
45. |
Cydymffurfio â'r rheoliadau |
46. |
Lleoliadau oedolion |
47. |
Addasu'r rheoliadau mewn perthynas â gofalwyr lleoliadau oedolion |
48. |
Pennu swyddfeydd priodol |
49. |
Diddymu |
ATODLENNI
1. |
Yr wybodaeth sydd i'w chynnwys yn y datganiad o ddiben |
2. |
Yr wybodaeth a'r dogfennau sydd i fod ar gael mewn perthynas â phersonau sy'n rhedeg neu reoli cartref gofal neu weithio mewn cartref gofal |
3. |
Y cofnodion sydd i'w cadw mewn cartref gofal mewn perthynas â phob defnyddiwr gwasanaeth |
4. |
Cofnodion eraill sydd i'w cadw mewn cartref gofal |
5. |
Gwybodaeth ychwanegol sydd i'w chynnwys yn y datganiad o ddiben pan fydd plant yn cael eu lletya |
6. |
Materion sydd i'w monitro mewn cartref gofal y mae plant yn cael eu lletya ynddo. |
Mae Cynulliad Cenedlaethol Cymru, drwy arfer y pwerau a roddwyd iddo gan adrannau 3(3), 22(1), (2)(a) i (d) ac (f) i (j), (5), (7)(a) i (j) ac (l), 25(1), 33, 34(1), 35 a 118(5) i (7) o Ddeddf Safonau Gofal 2000( 1) , ar ôl ymgynghori ag unrhyw bersonau y mae'n credu eu bod yn briodol( 2), drwy hyn yn gwneud y Rheoliadau canlynol: -
RHAN I
CYFFREDINOL
Enwi, cychwyn a chymhwyso
1. - (1) Enw'r Rheoliadau hyn yw Rheoliadau Cartrefi Gofal (Cymru) 2002 a deuant i rym ar 1 Ebrill 2002.
(2) Mae'r Rheoliadau hyn yn gymwys mewn perthynas â chartrefi gofal yng Nghymru.
Dehongli
2. - (1) Yn y Rheoliadau hyn -
ystyr "arweiniad defnyddiwr gwasanaeth" ("service user's guide") yw'r arweiniad ysgrifenedig a gynhyrchir yn unol â rheoliad 5(1);
ystyr "awdurdod iechyd amgylchedd" ("environmental health authority") yw'r awdurdod sy'n gyfrifol am iechyd yr amgylchedd yn yr ardal y lleolir y cartref gofal ynddi;
ystyr "awdurdod tân" ("fire authority"), mewn perthynas â chartref gofal, yw'r awdurdod sy'n cyflawni swyddogaeth awdurdod tân o dan Ddeddf Gwasanaethau Tân 1947( 3) yn yr ardal y lleolir y cartref gofal ynddi;
ystyr "corff" ("organisation") yw corff corfforedig;
ystyr "cynllun defnyddiwr gwasanaeth" ("service user's plan") yw'r cynllun ysgrifenedig a baratoir yn unol â rheoliad 15(1);
ystyr "cynrychiolydd" ("representative"), mewn perthynas â defnyddiwr gwasanaeth, yw person, heblaw'r person cofrestredig neu berson sy'n cael ei gyflogi yn y cartref gofal, sydd, gyda chydsyniad pendant neu gydsyniad awgrymedig y defnyddiwr gwasanaeth, yn cymryd diddordeb yn iechyd a lles y defnyddiwr gwasanaeth;
ystyr "Cynulliad Cenedlaethol" ("National Assembly") yw Cynulliad Cenedlaethol Cymru;
ystyr "darparydd cofrestredig" ("registered provider"), mewn perthynas â chartref gofal, yw person sydd wedi'i gofrestru o dan Ran II o'r Ddeddf fel person sy'n rhedeg y cartref gofal;
ystyr "datganiad o ddiben" ("statement of purpose") yw'r daganiad a lunir yn unol â rheoliad 4(1);
ystyr "defnyddiwr gwasanaeth" ("service user") yw unrhyw berson sy'n cael ei letya yn y cartref gofal y mae arno angen gofal nyrsio neu ofal personol oherwydd anabledd, llesgedd, salwch yn y gorffennol neu ar hyn o bryd, anhwylder meddwl yn y gorffennol neu ar hyn o bryd neu ddibyniaeth ar alcohol neu gyffuriau yn y gorffennol neu ar hyn o bryd;
ystyr "y Ddeddf" ("the Act") yw Deddf Safonau Gofal 2000;
ystyr "perthynas" ("relative"), mewn perthynas ag unrhyw berson, yw -
(a) priod y person;(b) unrhyw riant, tad-cu neu fam-gu (taid neu nain), plentyn, w yr neu wyres, brawd, chwaer, ewyrth, modryb, nai neu nith i'r person neu i briod y person;(c) priod unrhyw berthynas o fewn is-baragraff (b) o'r diffiniad hwn;(ch) unrhyw unigolyn y cafodd y person ei letya ag ef o dan drefniadau maethu am gyfnod hwy na 28 diwrnod tra'r oedd rhwng un ar bymtheg a deunaw mlwydd oed, neu briod yr unigolyn hwnnw,ac er mwyn penderfynu ar unrhyw berthynas o'r fath, trinnir llys-blentyn person fel plentyn iddo, ac mae cyfeiriadau at "priod" yn cynnwys cyn-briod a pherson sy'n byw gyda'r person fel pe baent yn w r a gwraig;
ystyr "person cofrestredig" ("registered person"), mewn perthynas â chartref gofal, yw unrhyw berson sy'n ddarparydd cofrestredig neu'n rheolwr cofrestredig mewn perthynas â'r cartref gofal;
ystyr "proffesiynolyn gofal iechyd" ("health care professional") yw person sydd wedi'i gofrestru yn aelod o unrhyw broffesiwn y mae adran 60(2) o Ddeddf Iechyd 1999( 4) yn gymwys iddo neu sy'n seicolegydd clinigol, yn seicotherapydd plant neu'n therapydd lleferydd;
ystyr "rheolwr cofrestredig" ("registered manager"), mewn perthynas â chartref gofal, yw person sydd wedi'i gofrestru o dan Ran II o'r Ddeddf yn rheolwr y cartref gofal;
ystyr "staff" ("staff") yw personau sy'n cael eu cyflogi gan y person cofrestredig i weithio yn y cartref gofal ond nid yw'n cynnwys gwirfoddolwr na pherson sy'n cael ei gyflogi o dan gontract ar gyfer gwasanaethau;
ystyr "swyddfa briodol" ("appropriate office"), mewn perthynas â chartref gofal, yw -
(a) os oes swyddfa wedi'i phennu o dan reoliad 48 ar gyfer yr ardal y lleolir y cartref gofal ynddi, y swyddfa honno;(b) mewn unrhyw achos arall, unrhyw un o swyddfeydd y Cynulliad Cenedlaethol;mae i "unigolyn cyfrifol" ("responsible individual") yr ystyr a roddir iddo yn rheoliad 7;
ystyr "ymarferydd cyffredinol" ("general practitioner") yw ymarferydd meddygol cofrestredig sydd -
(a) yn darparu gwasanaethau meddygol cyffredinol o dan Ran II o Ddeddf y Gwasanaeth Iechyd Gwladol 1977( 5),(b) yn cyflawni gwasanaethau meddygol personol mewn cysylltiad â chynllun peilot o dan Ddeddf y Gwasanaeth Iechyd Gwladol (Gofal Sylfaenol) 1997( 6); neu(c) yn darparu gwasanaethau sy'n cyfateb i wasanaethau a ddarperir o dan Ran II o Ddeddf y Gwasanaeth Iechyd Gwladol 1977, ond nad ydynt yn unol â'r Ddeddf honno.(2) Yn y Rheoliadau hyn, oni bai bod y cyd-destun yn mynnu fel arall, mae cyfeiriad -
(a) at reoliad neu Atodlen â rhif yn gyfeiriad at y rheoliad yn y Rheoliadau hyn neu yr Atodlen iddynt sy'n dwyn y rhif hwnnw;(b) mewn rheoliad neu Atodlen at baragraff â rhif yn gyfeiriad at y paragraff yn y rheoliad hwnnw neu'r Atodlen honno sy'n dwyn y rhif hwnnw;(c) mewn paragraff at is-baragraff â llythyren neu rif yn gyfeiriad at yr is-baragraff yn y paragraff hwnnw sy'n dwyn y llythyren honno neu'r rhif hwnnw.(3) Yn y Rheoliadau hyn, onid yw'n ymddangos bod bwriad i'r gwrthwyneb, mae cyfeiriadau at gyflogi person yn cynnwys -
(a) cyflogi person p'un ai am dâl neu beidio;(b) cyflogi person o dan gontract gwasanaeth neu gontract ar gyfer gwasanaethau; ac(c) caniatáu i berson weithio fel gwirfoddolwr;a dehonglir cyfeiriadau at gyflogai neu gyflogi person yn unol â hynny.
(4) Yn y Rheoliadau hyn, bernir bod cyfeiriad at berson sy'n gweithio mewn cartref gofal yn cynnwys cyfeiriad at berson sy'n gweithio at ddibenion cartref gofal.
Sefydliadau sydd wedi'u heithrio
3. - (1) At ddibenion y Ddeddf, mae sefydliad wedi'i eithrio o fod yn gartref gofal -
(a) os yw'n darparu llety, ynghyd â gofal nyrsio neu ofal personol, ar gyfer perthynas i'r person sy'n ei redeg yn unig;(b) os yw'n darparu llety, ynghyd â gofal nyrsio neu ofal personol, am lai na 28 diwrnod mewn unrhyw gyfnod o 12 mis;(c) os yw'n ysbyty gwasanaeth iechyd lle darperir gwasanaeth nyrsio;(ch) os yw'n darparu llety, ynghyd â nyrsio, a'i fod wedi'i freinio - (i) yn y Cynulliad Cenedlaethol at ddibenion ei swyddogaethau o dan Ddeddf y Gwasanaeth Iechyd Gwladol 1977( 7), neu(ii) mewn ymddiriedolaeth NHS( 8) (d) os yw'n brifysgol;(dd) os yw'n sefydliad o fewn y sector addysg bellach fel y'i diffinnir gan adran 91(3) o Ddeddf Addysg Bellach ac Uwch 1992( 9); neu(e) os yw'n ysgol.(2) At ddibenion paragraff (1), mae "prifysgol" yn cynnwys -
(a) unrhyw goleg prifysgol;(b) unrhyw goleg, neu sefydliad sydd o ran ei natur yn goleg, i brifysgol.(3) Nid yw'r eithriad ym mharagraff (1)(ch) yn gymwys -
(a) os yw'r sefydliad yn darparu llety ynghyd â gofal nyrsio neu ofal personol i unrhyw berson; a(b) os yw nifer personau o'r fath yn fwy na degfed ran nifer y myfyrwyr y mae'n darparu addysg a llety iddynt.Datganiad o ddiben
4. - (1) Rhaid i'r person cofrestredig lunio datganiad ysgrifenedig (y cyfeirir ato yn y Rheoliadau hyn fel "y datganiad o ddiben" ("the statement of purpose")) mewn perthynas â'r cartref gofal a fydd yn cynnwys -
(a) datganiad o nodau ac amcanion y cartref gofal;(b) datganiad ynghylch y cyfleusterau a'r gwasanaethau sydd i'w darparu gan y person cofrestredig ar gyfer y defnyddwyr gwasanaeth;...To continue reading
Request your trial